广州有间潮州会馆

白 话广州

喺广州，潮州菜馆、潮州饭馆大家就听得多喇，咁潮州会馆有冇听讲过呢？今日小弟特登介绍一下呢间百年建筑。

广州嘅潮州会馆全称叫做潮州八邑会馆，建于清同治十三年(1874年)，位于长堤大马路。

既然叫得潮州会馆，咁佢有啲乜嘢“潮”元素呢？

当然首先系同潮州人有关啦。

百几年前嘅广州，因系商贸重地，所以有好多潮州籍商人来往做生意，包括嚟自香港、佛山嘅。佢哋为咗加强联系同埋方便做善事，所以就夹钱喺广州起咗呢间会馆，作为一个潮州人聚会、议事嘅场所。后嚟，会馆仲用作潮州人嚟省城应试科举嘅落脚地方。

再讲建筑风格，潮州会馆更加系“潮”到不得了。

最早嘅会馆系由前厅、后厅、礼亭、中堂及东廊、西廊组成，建筑融入咗砖雕、石雕、灰雕、彩绘呢啲潮州建筑特色，其中中堂嘅金箔木雕就系典型嘅潮州装饰风格，呢啲金木雕就算历经300年都唔甩色，工艺认真犀飞利。

不过，因为历史原因，宜家嘅潮州会馆剩系保留番礼亭同埋中堂。

虽然潮州会馆宜家比原版嘅“缩水”咗，但并冇降低佢嘅文物价值，2002年佢俾政府部门定为广州市重点文物保护单位，弥足珍贵。

◎阿六 律师

新闻推荐

潮州市快递行业首个非公党支部成立

本报讯（记者黄琼）近日，枫溪区成立潮州市顺丰速运有限公司党支部，这是潮州市快递行业第一个非公党支部，标志着潮州市快递行...