沙湾后生玩音乐

白话广州

新闻话，番禺沙湾开始有后生仔玩广东音乐，喺流行音乐成主流嘅今日，算得上“奇事”。

番禺沙湾，系广东音乐嘅发源地。上次讲过“沙湾灯笼——何府”嘅典故，就系同中意玩广东音乐嘅“沙湾何”何氏族人有关。关于何氏族人同广东音乐嘅渊源，有个比较有趣嘅讲法。

沙湾何氏财雄势大，当年莫讲系广州，就算系放眼全广东，呢个家族都系最有钱嘅。有钱到咩程度呢？何氏嘅男丁每年靠太公“分猪肉”就已经可以过得比平常人家好。但系如果想太公分多啲又有咩办法呢？读书！当时何氏对考取秀才举人嘅男丁，分配嘅额度会多好几倍。

所以，沙湾何出过唔少出名嘅读书人，但佢哋一般都好少外出做官。族中长辈为咗令佢哋有所消遣，又请琴师教佢哋弹乐唱戏。于是，呢度又同时出产唔少名伶同音乐名家。最出名嘅，当然系“何氏三杰”何柳堂、何与年同何少霞。著名嘅广东音乐《雨打芭蕉》，就系何柳堂演奏嘅。大家唔好以为何柳堂系个净系识得弹曲嘅文弱书生，据讲当年喺东较场嘅一场比武乡试，何柳堂就喺射箭嘅时候连中七箭，攞咗武秀才。

广东音乐嘅独特魅力，可能就喺呢啲古仔里边。以前有人担心后继无人，依家睇情况就唔需要忧心喇，后生仔女都中意玩，可见广东音乐发扬光大必有来日。

◎李月婷 媒体人

新闻推荐

男子开车低头找手机后排朋友突然不见 看监控被吓坏

被以伪造货币罪判刑十二年，29年前曾因故意杀人被判刑前不久上映的电影《无双》中，周润发和郭富城饰演了一对伪造假...