去南沙睇笨雀

白话广州

最近，省林业局喺微信度搞咗个投票，竞选“广东十佳观鸟胜地”，参选嘅地方一共有18个，大部分嘅地市都会有一两个候选。离广州市民最近嘅莫过于南沙湿地了。

南沙湿地唔单止设施齐备，鸟类品种多达180种，而且最好嘅观鸟季节，你估系几时？未就系“而家”咯！而家去到南沙湿地，好有机会睇到铺天盖地嘅候鸟，数目系平时数倍之多。而且，你仲有机会遇见珍稀嘅黑脸琵鹭，如今已经系全球濒危物种，实属可遇不可求嘎。

黑脸琵鹭嘅得意之处，就同佢嘅绰号“鸟中大熊猫”一样，睇落有啲蠢蠢哋——事实上，亦都真系蠢得交关。就讲瞓觉嘅时候，其他雀仔都会揾个隐蔽地方，避开猛禽。但黑脸琵鹭就相当作死了，都唔知点解佢哋可以咁沙胆，经常企喺开阔、空旷、一览无遗嘅浅滩上，将个头收入翼中，咁就开始大模斯样瞓觉了。亦都因为咁，呢种蠢雀如今越来越濒危，可能被啲大雀食晒了。总之，大家想睇就要快啲，唔系，再过几年，都唔知仲见唔见得到了。

南沙湿地冬季多雀，系佢地处西伯利亚到澳大利亚候鸟迁徙线上，每逢冬天，大批候鸟南下，有啲见环境好就唔想走了，所以造成南沙雀仔越来越多，其中冬天特别密集。因此，亦成为咗广东一处出名嘅“候鸟天堂”。

◎梁倩薇 编辑

新闻推荐

11月份广州CPI环比下降0.4%

相关报道信息时报讯（记者黄艳通讯员向梅芳）昨日，国家统计局广州调查队公布，11月份，广州居民消费价格指数（简称CPI）环比下降0.4%...