广州嘅“煲”

白话广州

周日系传统嘅腊八，北方中意食腊八粥。天寒地冻，广州人亦中意食粥，不过同北方有啲唔同，最受街坊青睐嘅仲系各种煲仔粥。及第粥、艇仔粥、鸡粥、水蛇粥等等，不一而足，大到高档餐馆，细到街头嘅小店仔，都可以见到热气腾腾嘅一煲煲，香味散发到成间餐厅。

冬天喺广州食嘢，唔食个“煲”，就等于冇真正食到广州味道。尤其系冬天，煲成咗餐饮业嘅主角之一。一只只细细个瓦煲，喺厨师嘅手下，可以整出各种各样热辣辣嘅美食。其中，煲仔饭系我最中意嘅一样嘢。记得，有次行喺飘住冷雨嘅街头，见到街角有间煲仔饭店，立马俾门口嘅火炉、煲仔、烟雾吸引住，走入去坐低，点返煲香芋排骨饭，芋头嘅浓香同排骨嘅清香搭配，喺冒着热气嘅饭上面，令人口水都流出来。煲仔饭刚食阵时热辣松软，食到后来有股脆脆嘅饭焦味，令人回味不已。除咗粥、饭，酒楼里边嘅“煲”琳琅满目。煲嘅方法亦有唔同，急切嘅啫啫煲，慢吞吞嘅文火煲，应有尽有。

广州人中意煲，估计同呢度冬天经常遇到嘅湿冷天气有关系。广东唔似北方，室内冇暖气，天冻阵时啲菜餸都容易冻。用煲仔来焖，一方面可以将肉菜原汁原味呈现，另一方面瓦煲唔容易散热，天冻可以长久令肉菜保暖，可谓一举两得。

◎闻歌 媒体人

新闻推荐

《己亥年》邮票雕刻家来广州讲述创作小福猪心得

《己亥年》生肖邮票雕刻师徐喆为市民签名。信息时报记者叶伟报摄信息时报讯（记者欧嘉福通讯员宋悦）昨日，广州邮政在正佳...