新正头之“日”

白话广州

话咁快假期结束，呢个年大家逗咗几多利是呢？大家唔好心急拆利是先，要过咗新十五先可以拆嘎。

广州人过年有好多习俗同讲法，譬如年初七叫做“人日”。咁年初一年初二又叫咩日呢？年初一系“鸡日”，呢一日大家都去拜年兼且食斋，所谓“年初一食斋，胜过食一年斋”。年初二系“狗日”，按传统，大家都系去拜年、食开年饭或者返外家。开年饭要早啲做，叫做“抢头牙”。据讲以前事头炒人，会喺呢一日准备“无情鸡”，不过依家唔兴喇。

年初三系“赤口”，叫做“羊日”，不宜拜年，以前有喺呢日“送穷鬼”嘅习俗。年初四“猪日”，要祭财神。年初五“牛日”，呢一日“破五”，可以打破过年期间所有嘅禁忌。譬如年初一到年初四唔可以倒垃圾，呢日就可以倒咗佢“送穷出门”。初六系“马日”，呢日好多店铺开始复业。

大家最熟悉嘅“人日”系初七，意为“人人生日”。广州人对“人日”比较热情，大家一齐庆祝生日嘛。初八、初九、初十分别系“谷日”、“天爷生日”同“石头生日”，呢几个“日”大家就听得比较少喇，过嘅人亦都唔多。

上边提到嘅过年习俗都系老传统喇。我估计大家依家冇咁多讲究，最多就系食过团年饭，初一去拜下年，初二食开年饭，初七庆祝下“生日”咁就差唔多喇。

◎李月婷 媒体人

新闻推荐

广州新春音乐会 送上吉祥和谐的七彩祝福

■董晓琳新快报讯记者王春燕报道春节假期虽然已经结束，但年还没有过完。正月十二（2月16日）晚，星海音乐厅将上演一场广州新春...