大新路嘅古仔

白话广州

寒假结束，假期里，各位小朋友有冇去冬令营学习呢？啱啱开始放假嘅时候，有关部门搞咗个非遗冬令营，其中一站就系去大新路嘅象牙厂参观。依家嘅大新路，可能值得参观嘅就得呢间象牙厂。不过可能好多人都未必知道呢条路嘅嗰段古。

大新路以前叫做“大新街”。呢条街地处老城区，西依上下九，南边行几步就到珠江，转个弯就系海珠桥同轮渡码头，过河南、芳村甚至南番顺都相当便利。有人话，以前广州城最繁华嘅商业旺地都喺大新街嘅“15分钟生活圈”，可谓宜商宜居。

当年有句说话叫做“大新街走一走，广州城转一圈”，讲嘅就系呢条街如何繁华。以前大新街有三座好架势嘅石屎大楼，系“朱耳盛”珠宝玉器店嘅总部；佢对面系罗达常牙医、冯邵鑫正骨，附近仲有永利威酒厂同天心茶楼。行过解放路，嗰段大新东就更加热闹，有岭南饼干厂、皇宫冰室、邵棠记云吞面；抄巷仔向江边行，好快就可以去到石室。当年，大新街同人民南仲开过年宵花市。

当然，呢啲老店依家系睇唔到喇，之前嘅商铺已经被鞋铺“占领”。尤其系大新东，已经变成鞋业一条街。唯独靠状元坊嗰一段仲保留些少传统手工艺店，包括之前提到嘅象牙雕刻同埋醒狮扎作、狮鼓乐器等等。嚟呢度睇非遗，行下骑楼都系好嘅。

◎李月婷 媒体人

新闻推荐

春节这个政务中心“不打烊” 粤港澳大湾区9市六大类服务可跨城通办

“吃完年夜饭散步过来，想查查我的社保缴费情况，没想到政务中心还亮着灯，现在办事真是太方便了！”市民王先生感慨。春节期间，广...