“白鹅潭黑龙”

白话广州

广州嘅天气又开始变得唔稳定，前几日凌晨，一条飑线压过珠三角，暴雨乒乒乓乓落下，唔少街坊都被惊醒。但系咁都未算，市气象局预报话，未来广州仲可能突发强对流天气，比如横风横雨、行雷闪电。

每逢春夏，广州经常发生呢类戏剧性嘅天气，老街坊口口相传嘅“白鹅潭黑龙”就系其中一次。

话说，1878年农历三月初九正午，一条“黑龙”突然现身白鹅潭，黑中卷杂白光，将房屋、牲畜同人吸到半空，又生生掟落来。睇到呢度，相信好多人都知道呢条“黑龙”其实就系龙卷风啦。当年，白鹅潭一带都系农田同平房，根本无今日咁多高楼。所以当天气对流强烈嘅时候，龙卷风就容易产生。而且，因为地形一马平川，无法压制风灾，因此短时间内就可能酿成大祸。

但系，以前嘅人又点晓得咁多啊？当时，江上居住嘅疍家人一心以为妖魔现身，急急忙忙点起火堆意图“驱魔”。就连官方亦束手无策，只好向“黑龙”开炮。不过，呢招亦唔算完全无效果嘅：可能大炮嘅威力改变咗气旋周围嘅压力差，也有可能系巧合，“黑龙”竟然真系掉头走开咗。不过，裹挟住狂风冰雹，直奔西北，又吹毁咗一大片嘅房屋。

呢段往事系清代文人俞洵庆的《菏廊笔记》中有记载。据讲，呢场风灾夺走咗两千几人嘅性命。◎梁倩薇 编辑

新闻推荐

告别摸黑过桥 57座天桥亮灯 广州“提亮工程”接下来将由中心城区向外围区域持续推进

在东风路上，不少的人行天桥都装上了灯带，曾经伸手不见五指的天桥亮灯后夜景与花景相互映衬。信息时报记者梁钜...