起名与粤语

白话广州

最近，朋友圈有一篇文章几有意思，讲嘅系户政民警提醒家长：帮细路起名最好冇用生僻字。小弟顺住户政民警嘅提醒，俾各位广州家长（尤其系新广州人家长）追加一个提醒：起名仲要考虑埋粤语读音。

相信大家仲记得周星驰电影《九品芝麻官》中杂技班嗰两兄妹吧，一个叫吴广德（粤语同音唔讲得），一个叫吴好缇（粤语同音唔好提）。呢两个名搞笑吧？粤语“吴”同音“唔”，而“唔”喺粤语中系“不”嘅意思，所以，姓吴嘅人起名就要注意，名嘅字越好听，但连埋个姓读，意思就相反嘎啦。粤语类似嘅姓仲包括武（同音冇）、米（同音咪）等。

普通话“徐”“除”系两个音，但粤语就同音，而粤语中“除”有“脱”嘅意思。

事实上，坊间一直流传好多普通话读系冇问题但粤语读就有歧义嘅“姓名”。

喺广州起名，切记要考虑粤语读音, 以免成笑话。

◎阿六 律师

信息时报评论邮箱：

xxsbpl@126.com

新闻推荐

社会治理全民参与 共建共治共享更平安的广州

荔湾石围塘街群众自发组织的“如意平安骑行队”羊城晚报记者张璐瑶摄羊城晚报记者付怡通讯员公新文制表/李金宝2019年春...