创新玉器街

白话广州

好多人都知道，华林玉器市场喺中国极具江湖地位。佢兴起于清代康乾年间，旧称玉器墟，自古就系个堆金积玉之地，吸引咗大批来自各地嘅匠人、大师、商贩、客商前来交易。非但至今不衰，而且仲越来越兴盛，年成交额都以几百亿计。

但系，即使咁有江湖地位，早前华林玉器商会会长傅深根接受采访时依然话，市场竞争激烈，珠宝产业要更加注重创新，咁先可以继续发围喔。

华林街咁兴旺，老行尊点解会咁有危机感呢？呢个，要从互联网嘅振兴讲起。

话说，传统玉器设计传承多年，业内早已知道边啲款式最好卖，就以吊坠为例，平时见得最多嘅就系佛像、树叶、如意、水滴、玉扣呢啲款式，只因商家知道，传统买家佩玉祈福，所以最中意嘅就系呢啲吉祥款。

但系呢套规则，喺互联网洗礼之下有咗少少改变。因为网络使用者多为年轻人，中意追逐时尚，求新求变。所以，而家就算买件玉器，买手都会带埋自拍杆去华林街直播，一件一件发上网等买家挑选。而玉器嘅款式亦都越来越年轻化，包括宝宝佛、机器猫等卡通形象都成为被追捧嘅新款。

呢种潮流之下，敏感嘅华林玉器街点会唔知道啊？所以，先至有咗傅深根嘅“创新”一说。而呢份创新精神与商业触觉，亦正系广州商都兴旺千年嘅根基所在。

◎梁倩薇 编辑

新闻推荐

不开心、没兴趣 你是不是抑郁了？

文/羊城晚报记者张华通讯员袁友芬春天是心理疾病患者最危险的季节，由于天气变化，情绪也会波动大，心理专家提醒，如果情绪持续...