羊城女英雄

白话广州

刚刚过去嘅清明节，广州举行咗纪念向秀丽烈士嘅系列活动，以丰富嘅展览等形式，回顾咗呢位羊城女英雄嘅生平。唔经唔觉，向秀丽已经牺牲咗60年了，但广州街坊一直都将佢放喺心里面。

提起向秀丽，好多人都唔会陌生，事关喺1958年年尾，广州发生咗一件大事：位于下九路嘅何济公制药厂，化工车间发生无水酒精燃烧事故，向秀丽用身体挡住火流，避免附近嘅金属钠发生爆炸。但亦因为咁样，向秀丽被严重烧伤，壮烈牺牲，年仅25岁。

向秀丽用血肉之躯守护国家财产同一方百姓嘅安全，所以，广州街坊一直怀念佢。多年以来，纪念向秀丽嘅活动层出不穷，何济公制药厂就命名咗“秀丽楼”，上下九一带亦曾经改名为“秀丽路”，成为咗广州嘅一段集体回忆。

向秀丽嘅精神亦因此流传落来，成为咗好多人嘅学习榜样。张海迪就讲过，自己钦佩向秀丽，从小就将佢视为偶像，从未改变。除此之外，前几年，向秀丽嘅外甥女亦传承衣钵，加入赵广军生命热线，成为一名光荣嘅志愿者，继续服务社会。

广州人怀念向秀丽，本质上，系以佢为标杆，倡导一种永远唔会落后于时代嘅责任感。试想，如果人人都好似向秀丽咁，能够做到守土有责，谨守本分，咁我哋嘅生活又点会唔繁荣，城市又点会唔昌盛呢？◎梁倩薇 编辑

新闻推荐

今天 东航开通 广州至名古屋航线

新快报讯记者李佳文报道4月9日，东航开通广州至名古屋往返国际航线，拓展广州地区国际航线网络，开拓东亚市场。据介绍，该航线航...