昔日嘅“流花地区”

白话广州

宜家讲到“流花地区”，通常系指广州火车站（以南）、省汽车站（以东）、市客运站（以北）以及流花车站（以西）围住嗰个区域。“流花地区”基本上可同客运重要枢纽划上等号。喺广州嘅发展史上，最早期嘅“流花地区”（客运重要枢纽）并唔系喺环市路，而系喺珠江边。

小弟上周写到嘅白云路，曾有一个广州历史最长嘅火车站——广九火车站。呢个站建于民国初期，到1974年环市西路火车站建成启用后先至“退休”。广九火车站位于沿江东路嘅北面。

宜家返乡下拜山，好多人都系自己揸车，但喺上世纪七八十年代，返乡下都系坐船嘅，喺边度坐？大沙头客运站！呢个客运站建于上世纪五十年代，可以往返珠江流域沿岸各地，九十年代中后期“退休”改成旅游码头。大沙头客运站位于沿江东路嘅东面。

沿江东路西北面嘅越秀南客运站，亦系“生于”上世纪五十年代，系广州历史最长嘅长途车客运站，当打之年，佢嘅运力同样系NO1，系广州一个“名站”。

从地理位置上睇，以沿江东路为中心，广九火车站（以南）、大沙头客运站（以西）、越秀南客运站（以东）组成当年嘅“流花地区”，系广州客运嘅重要枢纽。不过，随住越秀南客运站五一后“退休”，昔日沿江东路嘅“流花地区”就正式成为历史。◎阿六 律师

新闻推荐

关于敦促在逃嫌疑人麦绍春、汤仁花投案自首的公告

麦绍春照片汤仁花照片为贯彻落实宽严相济刑事政策，打击犯罪，同时给在逃嫌疑人争取宽大处理的机会，根据有关法律、法规规...