广州嘅粉与面

白话广州

“我钟意食米粉，不过我老公就喜欢面条，北方人就系咁，哈哈”，喺小区度，两位女士买餸返来，一边拎住肉菜一边倾闲偈。

粥粉面饭，系唔少街坊天天面对嘅主食选项。有意思嘅系，粉同面之间，唔少人都会有自己嘅偏好，就好似上面嗰位女士咁。一般来讲，南方人可能口味习惯咗大米，所以倾向米粉多啲，而北方人就无面不欢。前一排，我同一位来自山东嘅朋友食饭，佢第一时间就点咗几个大馒头，然后笑住话，米饭就算几好味都揾唔到大馒头嘅感觉。另一位广州嘅朋友就话，佢到国外旅游，食咗几日面包后，“最想要一碗白粥”。口味差异呢样嘢最近几年经常引发网络嘅讨论，包括云吞与饺子、甜定咸等等，都几有趣。

讲翻米粉同面条，广州其实都有唔同嘅特色，同样令食客翻寻味。譬如“三丝炒米粉”，利用肉饼丝、火腿丝、鸡蛋、豆芽等作为配料，香气扑鼻，入口浓脆又有韧道。而面条亦唔输蚀，广州嘅竹升面，仲上过央视“舌尖上的中国”，驰名海内外。最得意嘅，系佢嘅做法，师傅骑住条大竹杆将面粉压匀，细路仔睇到都谂起骑木马，个个都想骑上去玩下。

所以话，广州人嘅口味系包容性极强嘅，睇下大街小巷各种味道嘅食肆就知道。米粉同面条之争不过系小范围嘅纠结而已。◎闻歌 媒体人

新闻推荐

解密基因“算命”：癌症早筛并非人人都适合

癌症早筛的技术进步，必须配合医学对肿瘤认知的深入，才能取得最佳效果。患者若真正获益，既要避免延误时机，也要警惕过度诊断。...