岭南第一楼

白话广州

前两期，我先后写咗两座已经消失嘅崇楼，接落嚟，写下另外两座保存落嚟嘅崇楼。今期先讲岭南第一楼——禁钟楼。

禁钟楼楼位于惠福西路嘅五仙古观入边，呢个位置，喺宋朝仲系一个山岗仔，叫做坡山。喺再久远嘅晋朝，呢度系珠江北岸嘅一个渡口，就系“坡山古渡”啦。禁钟楼比镇海楼要早七年建好，最初系为咗镇住海啸，同南海神庙嗰句“海不扬波”有异曲同工之处。因为佢在前，所以就抢咗“岭南第一楼”呢个名。

禁钟楼个名，同佢吊住一口万斤铜钟有关。呢口钟就有好多古仔，比如佢个名点解叫“禁钟”？据讲，呢口钟最开始系用嚟防火、报警嘅，平时唔可以乱敲，否则就可能惹来祸端。据《广东新语》记载，1645年就发生咗无故敲钟后出现咗死人嘅灾难，呢口钟因此充满神秘色彩，被叫做“禁钟”。亦都系呢个原因，呢座楼原来系冇建楼梯嘅，防止有人上楼随便敲钟。

呢口钟嘅吊绳仲有一个传说。嗰条绳最初系一条好幼嘅葛藤，据传系吕洞宾留落嚟嘅。呢条藤吊住只钟足足五百几年都未断。直到清朝末年，有个外国人眼红条藤，用铁链呃道士换咗佢。呢个老外喺珠江边想洗下条藤，点知一掂到水，藤就变咗条鱼游咗去西江。而家，喺西江有一种叫做“猪母葛”嘅鱼，据讲就系条藤嘅化身。◎阮栩 编辑

新闻推荐

一代人有一代人之书，广州“00后”最爱读哪些书？新鲜出炉的百本课外书排行榜话端倪 《三国演义》《西游记》最受捧 金庸、古龙“武侠梦”遇冷

世界读书日羊城晚报记者侯梦菲通讯员李强岳青4月23日是“世界读书日”。“广州‘00后’最喜爱的100本课外书”排行榜出炉...