寒衣唔入笼

白话广州

刚刚过去嘅五一节，到处都好热闹，尤其系高速公路与景点。不过有样嘢，就变冷咗好多，就系广州嘅气温。街坊一周前仲着住短袖、短裤，晚上瞓觉都要吹空调，不过好似一夜间，长衫长裤就重出江湖，温度好似过山车咁。

“梗系啦，未食五月粽，寒衣唔入笼啊！”喺小区电梯度，讲起天气，有位老伯就提醒邻居话。呢句农谚嘅意思系，如果仲未过端午节，唔好将啲厚衫裤收入衣柜。呢个，系劳动人民根据常年嘅生活经验，总结出来嘅规律性“指引”，通常都相当“灵”。所以，整理衣柜时，要听听呢句农谚先得。

“笼”，旧阵时系用来装衫裤嘅木箱或者竹箱。广州位处岭南，天气潮湿，街坊保管衣物都要花好多心机去防潮、防虫，换季唔着嘅衫裤、棉被，都要装入个大木箱里面，放上几粒樟脑丸，然后锁好，直到下一次换季，先攞出来。讲起“笼”，我仲记得上初中时，屋企直接攞咗个笼俾我放喺学校，用来装衫裤杂物。相对于家阵学生哥嘅行李箱，呢种“笼”确实好笨重，不过防潮效果确实一流。

◎闻歌 媒体人

新闻推荐

0:1恒大雨中憾负国安

扫码下载南都APP扫码关注南都官微昨日19：35，中超第八轮，广州恒大淘宝主场0：1憾负北京中赫国安。上半场双方互交白卷，下半场国...