沙面旧时光

白话广州

前嗰排荔湾区出咗个规划，准备将沙面西堤到海珠桥一带打造成一个慢行系统。其中变化最大嘅应该就系沙面，以后唔可以开车入岛。

沙面嘅历史唔使讲喇，小朋友都知道佢以前系英法租界。沙面原先系珠江中间嘅一个岛，海岸南移之后同六二三路连埋一齐。沙面成为租界，系因为佢嘅特殊位置。当年十三行火烛，外商冇咗“根据地”，于是就睇啱沙面呢个冇乜人住而且又靠近珠江嘅小岛。依家岛前边嘅沙基涌，就系喺嗰个时候挖出来嘅。沙面系租界，所以老百姓嘅活动范围就集中喺沙基呢一段。

旧时长堤夜生活丰富，大致分为三段。最东边嘅系大沙头到海珠桥嘅东堤，据讲当年呢度系有钱人嘅“乐园”。而海珠桥到沙基纪念碑呢段市井风情浓厚，有唔少卖水果、卖凉茶、卖糖水嘅摊贩。

最静局嘅就系最西边嘅沙基段，来呢度嘅多数系啲冇乜消费能力嘅人。关于呢一段，有句广州话歇后语——“沙基睇相”。当时呢度聚集咗唔少睇相佬，佢哋未有客时就喺度念口诀，有人想帮衬就讲“分文不受赠看左掌”。睇紧相时，如果后边有客，睇相佬就三几句打发前边嘅人然后大声叫“第位”（第二位）。所以，“沙基睇相”嘅下一句就系“第位”喇。系唔系好有意思呢？

◎李月婷 媒体人

新闻推荐

贴士 ●“九年无忧”学区房未必无变数

一群快乐的孩子很多人都在问，买哪些楼盘可以100%解决“一条龙九年无忧教育”？其实，完全无风险，100%“九年无忧”是不存在的。...