广州嘅“粉”

白话广州

“粥粉面饭”，喺广州嘅大街小巷，随处可见到呢种餐厅招牌，将广州人最传统嘅四样主食，都列晒出来了。就好似喺北方可以食到地道嘅面食咁，喺广州，要讲地道嘅，米粉就系其中之一。

讲起“粉”，如果范围广一啲，可以囊括肠粉、濑粉、米粉、河粉。如果按特色排个榜单，我谂，布拉肠系很多街坊中意嘅快餐式米粉，佢讲究爽、韧、滑、嫩，搭配鲜香嘅豉油等调料，十分和味。

第二系沙河粉。前一排，有个来自外地嘅朋友话，为咗食沙河粉，佢哋忍住肚饿唔食嘢，漏夜赶到白云山附近，可见佢嘅名气同魅力。我最中意嘅，就系干炒牛河，将牛肉、豆芽、沙河粉一起，搭配香葱、韭黄等调料，爆香喷鼻。

第三系珍珠肠，佢系肠粉嘅“堂兄弟”，街头最常见，携带最便捷嘅粉食。

第四系各种米线，或者叫“排粉”，佢制作过程中，要将米浆用机器或人手“排”成线状，所以叫排粉。排粉一般从干粉条泡湿，煮成汤粉嘅，所以对于家庭来讲，佢系最方便储存、煮食嘅一种粉。

米粉系别具岭南特色嘅一种美食，原料系广东盛产嘅稻米，佢嘅美味，来源于我哋温暖湿润嘅大自然。所以，有朋自北方来，叫佢千祈唔好错过广州嘅米粉。

◎闻歌 媒体人

新闻推荐

广州恒大客场以2比0战胜上海上港 保利尼奥梅开二度

广州恒大球员保利尼奥庆祝进球新华社发中超焦点或许很少人能想到，已接近4年没能在上港主场赢球的恒大，能在多名主力伤缺的...