荔枝湾与荔枝

白话广州

最近，荔枝上市，有唔少街坊特登山长水远去到增城、从化嘅荔枝园摘食树上熟嘅荔枝。而喺以前（呢个“以前”系好耐嘅以前），广州人想食最新鲜嘅荔枝，系唔使去咁远嘅，因为市区就有荔枝树，呢个地方就系荔枝湾喇。

荔枝湾宜家系指位于龙津路到多宝路一带，即泮塘周围嘅西关涌。而历史上嘅荔枝湾系喺荔湾路驷马涌南嘅周门村（即宜家嘅周门），同象岗山西面嘅芝兰湖（即宜家嘅流花湖一带）相通，再向西去到西村嘅西场，最后流入珠江。

唔使问阿贵，荔枝湾呢个名肯定同荔枝有关。相传公元前206年，汉高祖刘邦派遣陆贾嚟广州向赵佗劝降，当时陆贾喺宜家嘅西村做驻地。除咗喺西村起城外，仲喺涌边种咗好多荔枝树。“荔枝湾”个名就系咁嚟嘎喇。

到咗清代，由于西关行商富贾多数系聚居西关嘅泮塘涌附近，并陆续喺嗰度起园林宅邸。同时，当地人喺泮塘一带嘅田野亦开始种荔枝树，于是泮塘附近嘅西关涌慢慢亦俾人叫做“荔枝湾”，亦即系宜家大家所见嘅新荔枝湾。

以前嘅荔枝湾，每当荔枝红熟嗰时，景象就好似唐诗中嘅“一湾溪水绿，两岸荔枝红”，真系好靓嘎。

时至今日，荔枝湾“一湾溪水”依然好绿，但“两岸荔枝红”就唔见，因为上世纪40年代之后，涌边就冇种荔枝树喇。

◎阿六 律师

新闻推荐

助力文化公益事业 珠光联手广州从化图书馆打造云所分馆

云所分馆由珠光集团携手广州从化图书馆打造。6月25日，从化区首家社区智慧图书馆——广州从化图书馆云所分馆（珠光·御景山...