碧道见水城

白话广州

新闻话，广州今年年底要建百几公里嘅碧道。碧道系咩？而家嘅解释系以水域同岸边为载体嘅公共开敞空间，佢有三种功能，既系碧水清流嘅生态廊道，又系人亲近自然嘅共享廊道，仲系水陆联动嘅发展廊道。

而家嘅碧道，简单嚟讲就系以前嘅水道。水道虽然好简单，自然，但系已经满足咗上述三种功能。首先，“碧水清流”，最著名嘅荔枝湾就系“一湾溪水绿，两岸荔枝红”噉嘅样。以前嘅荔枝湾，唔单止荷香十里、荔枝千株，仲有大自然馈赠嘅“泮塘五秀”（莲藕、马蹄、菱角、茭笋、茨菇）。其次，“人亲近自然”，河道以前直头就系岭南人嘅日常活动场所，除咗以前离唔开水嘅疍家人，一啲有钱人家都系伴水而居，好似晚清豪商潘仕成嘅海山仙馆、叶兆萼嘅小田园、黄景棠嘅小画舫斋都建喺荔湾两岸。而“水陆联动”更加唔使讲啦。美国人亨特系咁描述佢系1825年见到嘅广州水道情形：从其他地方嚟嘅货轮、客船，同埋涌入边撑嚟嘅船艇、政府嘅巡船同埋花艇等。

◎阮栩 编辑

新闻推荐

老字号荔枝月饼 首次亮相荔枝湾

不少市民表示荔枝月饼满口果香，有厚厚的果肉感。受访者供图荔湾信息时报讯（记者张玉琴）含荔枝果肉的荔枝月饼，你见过未？昨...