“命硬”嘅华安楼

白话广州

位于泰康路嘅华安楼，经过9个月嘅准备同完善，如今正式全馆开放，成为“广州电力展示馆”，向游客讲述羊城变迁，帮助佢哋感受电力发展嘅历史。

提起华安楼，好多人都知道，佢喺上世纪50年代成为电力系统嘅办公场所，因此与电力结下不解之缘。然而，恐怕好少人知道，华安楼，原身系一栋保险物业：1932年，当时嘅华安合群保险公司喺泰康路买地，两年后开始起楼，于1936年终于建成。除咗作为华安保险广州分公司嘅办公场所之外，仲有公寓、商铺、花园等设施。

可能因为同“保险”两个字结缘，所以，华安楼十分“命硬”。

附近嘅街坊话，国民党炸毁海珠桥嘅时候，周围好多房屋都震坏咗，但华安楼魏然不动；上世纪六十年代，泰康路一带火灾，有啲房屋烧塌咗，但华安楼除咗爆玻璃之外，基本上都无乜事。最终，挨到改革开放之后，港资进驻，开设咗华安酒店，吸引好多街坊帮衬，保持住地标嘅地位不动摇。

可以讲，“命硬”嘅华安楼，系历史馈赠俾广州嘅礼物。如今，成为电力展示馆嘅佢，亦以厚重嘅沉淀同全新嘅活力，将广州嘅精彩故事继续讲述落去。

◎梁倩薇 媒体人

新闻推荐

听说，这些打卡C位能拍到“最圆月亮”

圆月映“蛮腰”的美景，错过中秋更待何时。市民王汉明供图在中大码头能拍到江上明月的美景。市民王汉明供...