地名有植物

白话广州

前两期讲咗广州街巷马路嘅小特色，今日嚟讲下一啲街巷名嘅趣闻。

如果按唔同嘅标准分，广州嘅街巷名有好多种分法。但有两个种类系特别需要提到嘅，就系植物类同动物类。今日先讲下植物类。

喺老城区里边，用植物嚟命名街巷嘅，多数系因为当地附近的确有呢啲植物。譬如我屋企附近嘅河柳街，十几年前呢度嘅河涌边真系种满柳树。海珠中路嘅七株榕，据闻曾经亦都有七株榕树。虽然有啲“简单粗暴”，但都算系一种附证。又好似中山一路嘅梅花村，就系因为佢有好多梅花。呢度每年一月份都有梅花节，而且知名度好高添。

不过，有啲街巷虽然以植物命名，但就同植物无关。譬如德政北路嘅雅荷塘，呢度既无河塘亦无荷花，之所以叫“雅荷塘”，完全系借音读出嚟嘅。据闻呢度以前叫“阿婆塘”，呢位阿婆系个热心人，出资修建咗一座庙。后来大家觉得“阿婆塘”唔好听，于是改成“雅荷塘”。仲有东山口嘅竹丝岗，好多人话系因为呢度以前有成片竹林。但亦有人话，呢个“竹”系“猪”变音过来嘅，以前呢度系城郊，有个猪寮，系个“猪岗”。

呢啲地名嘅古仔，无论真定假都几有意思。

◎李月婷 媒体人

新闻推荐

海珠湖飘扬最美“中国红”

国庆期间，“爱我中华·南粤百园庆国庆”主题游园活动在海珠湖得和园上演。广州日报全媒体记者邱伟荣摄广州日报讯（全媒...