精明嘅老鼠

白话广州

喺网上边，曾经流传过关于庚子年嘅讲法，姑且当佢系茶余饭后嘅谈资吧。

大家都知道今年系鼠年，对于点解老鼠会喺十二生肖里边排头位有好几种讲法。我比较偏爱嘅系“精灵鼠”呢个版本——各种动物商定以赛跑决定生肖排位，老鼠精灵，偷偷爬上牛背，喺牛冲刺前奋力一跃抢先到达终点。

从呢个版本可以睇出，喺民间，大家对老鼠嘅评价就系敏捷、精明。以前，越秀区东濠涌中山四路以北有条老鼠街，呢条老鼠街起初就系啲小商贩聚集摆档嘅地方，通常卖嘅就系啲衫裤鞋袜。后来渐成气候，啲货开始高档好多。有人话，呢个地方之所以叫“老鼠街”，系因为佢卖“老鼠货”。咩系“老鼠货”？就系指嗰啲仿制嘅A货同水货，唔见得光嘅。

早期，“老鼠街”出品系两个极端，要么就真系靓嘢，要么就系翻版流嘢。渐渐地，消费者开始唔系净系需要“价廉”，仲要求“物美”，“老鼠街”嘅商品开始向“平靓正”发展。你睇下，有人十几年如一日咁过嚟帮衬同一个档口买染发水，就知道佢卖嘅肯定唔会流得去边。

到依家，翻版A货都冇乜市场喇，生活水平提高咗可以代购，想买乜嘢唔得呢。

◎李月婷 媒体人

新闻推荐

科技向善展现协同力量

“您好，我是越秀区政府智能客服，向您做一个简单的……”最近，广州市越秀区多个社区居民陆续接到了这样的电话，到晚上8点，一份...