云道与碧道

白话广州

对中意户外跑步或者步行嘅广州街坊来讲，最近两条好消息。一条系，生物岛嘅6.6公里“碧道”全新升级，配上咗塑胶跑道、海绵绿地等；另一条系，广州首条“云道”试开放，五一正式开通，到时可直接从白云山走空中步道，行到越秀山都得。

碧道，喺水边；云道，喺空中，谂起都令人神往。如今，唔少大城市都系高楼林立，俾人称为“石屎森林”，远离咗大自然。近年来，广州花大力气优化生态环境，之前已经铺设大规模嘅“绿道”，俾大家骑车、步行，如今继续推出“碧道”“云道”，为街坊回归生态、亲近大自然，提供咗唔少便利。

仲有一点好得街坊中意嘅就系，城中心唔少大小公园，加阵都有升级咗嘅绿道，俾街坊散步或跑步。譬如珠江新城嘅临江大道，小树林里边嘅塑胶跑道，每日都吸引唔少街坊前来锻炼、休闲。

另外，广州一直倡导绿色出行，唔少街坊骑车甚至步行返工。我觉得，除咗呢啲专门嘅“道”之外，我哋亦应该对大马路边嘅人行道等，继续进行优化以及做好管理，譬如，唔准违规停车、要求单车同行人各行其道等。咁样，喺广州“行”或者“跑”，都会更加舒畅。◎闻歌 媒体人

新闻推荐

信息时报爱心慈善金期待您的爱心

扫一扫，为他们加油扫描左方二维码，你就能为本期的街坊实现心愿出一份力！信息时报与广州市慈善会成立“信息时报爱心...