六十一百话电车

白话广州

最近广州博物馆办咗一个电车展览，名为“风雨兼程六十载，广州电车伴你行——百年电车 广州记忆”。但系，睇到呢个标题，有啲朋友就唔明了：一阵六十，一阵百，呢两个数字究竟有咩含意啊？

两个数字，代表咗广州电车发展嘅曲折历史。首先，从“百”讲起。100年前，当时嘅广州政府准备引入电车通行。商人伍籍磐听到之后，就着手筹钱申办，并且从加拿大买咗几部车翻来改装。于是，广州最早嘅电车亦称为“加拿大”啦。细路仲有歌仔唱话：“搭上加拿大，快趣好世界。行路摩得多，车仔（人力车）冇咁快。一粒银之嘛，快搭加拿大！”

可惜，“加拿大”原先系旧货车改造嘅，做工太流，经常发生交通事故，冇几耐就俾政府执咗了。后尾，伍籍磐公司又铺咗几条铁轨，想重整旗鼓搞有轨电车。但因为资金问题，工程最终停顿。再后来日本仔侵华，连条轨都俾人掘埋。

之后就到咗“60”：60年前，1960年，广州开始搭建线网，第一步无轨电车喺越秀山脚开出，为呢座城市嘅交通版图画下重要一笔。从此之后，广州电车不断更新换代，经典迭出。时至今日，都变咗怀旧了。大家得闲就去探下佢啦。◎梁倩薇 编辑

新闻推荐

执信南路持刀行凶案犯罪嫌疑人被批捕

信息时报讯（记者何小敏）据越秀区检察院消息，6月14日，广州市越秀区执信南路发生一起持刀行凶案，引起社会广泛关注。获悉该案后，...