食唔嗮打包

白话广州

新闻话，最近广州唔少餐厅喺醒目位置标出“不剩饭、不剩菜”嘅温馨提醒，服务员帮食客点餸嗰时仲会提醒埋“分量够嘎啦，可以食住先，唔够再点。”

我谂咗下，外出食饭最容易浪费嘅可能有以下几种情况：第一，食自助餐。餐费系固定嘅，食物可以随便攞，呢样想食嗰样又想食，好多人一下子会攞好多餸，连主食都会攞几样，如果再加埋啲糕点、水果、甜点，要全部食嗮真系唔容易。所以，食自助餐最好就系中意食嘅攞少少，食完再去攞。第二，食快餐。对于好多女士嚟讲比较容易造成浪费，因为快餐啲分量基本喺固定嘅，但系，一般啲女士饭量都唔大，食唔晒一盒饭。所以，喺点餐嗰时，可以提前讲好俾少啲，咁就唔会浪费啦。第三，商务聚餐。商务聚餐多数都系同客户食饭，为咗面子，主人家会点好多餸，如果食唔嗮，又唔好意思打包。其实，而家社会节约嘅风气已经无处不在，根本唔使为咗嗰啲不必要嘅顾虑而造成浪费。

讲返转头，“食唔嗮打包”早已经喺广州风行咗几十年啦。平时嗰啲家庭聚餐，只要一埋单，啲姨妈姑姐就开始刮干净啲剩餸打包，有啲更加环保嘅，仲自己带埋饭盒过嚟添。◎阮栩 编辑

新闻推荐

科技助力创新监管模式 广州地方金融风险防控成效显著

信息时报讯（记者梁海祥）记者日前从广州金融风险监测防控中心（简称“防控中心”）成立三周年媒体专访活动中获悉，作为全国首家省...