粤语中嘅动物

白话广州

动物界嘅粤语词汇远比大家想象中丰富，但系要顺畅咁表达，可能真系要粤语八级先得。

唔好以为识得讲“曱甴”“马骝”就掂，仲有大把嘢要学。先讲“曱甴”，即系“蟑螂”。曱甴呢个词，普通话读“yuēyóu”，而广州话发音就完全唔同样，读“gaat6 zaat6”，音近“嘎砸”。点解“蟑螂”到咗广州就变成“曱甴”呢？呢个大家都唔知，估计系拍打或者踩死只曱甴嘅时候，会发出同“嘎砸”差唔多嘅声音吧。

讲完呢个常见词，再讲下“高级”啲嘅。塘尾、黄犬、百足、蠄蟝、田鸡、檐蛇、白翼……佢哋对应嘅系乜嘢呢？塘尾系蜻蜓、黄犬（犬字正写应为虫字旁加憲）系蚯蚓、百足系蜈蚣、蠄蟝系蟾蜍、田鸡系青蛙、檐蛇系壁虎、白翼系白蚁。呢啲词汇都十分形象。好似“塘尾”，喺鱼塘上边飞过好似手指尾咁细长嘅，咪就系蜻蜓啰；“百足”，蜈蚣咁多只脚，数都数唔清，咁就俾个大数佢；“檐蛇”，广东人中意将四脚动物叫做“蛇”，喺屋檐下边爬嚟爬去嘅，就系壁虎喇。

学完呢啲粤语动物词，包你粤语“升级”。记得得闲教小朋友多啲讲下，唔好俾佢哋“失传”啊。

◎李月婷 媒体人

新闻推荐

广州市规划和自然资源局国有土地使用权网上挂牌出让公告 穗规划资源挂出告字〔2020〕74号

经广州市人民政府批准，广州市规划和自然资源局以挂牌方式出让1宗地的国有土地使用权，现将有关事项公告如下：一、挂...