中秋到，话月饼

白话广州

仲有半个月就到中秋，呢个时候，自不然要讲下月饼。依家嘅月饼，年年都推陈出新，前几年讲究包装变化，呢几年厉行节约，商家就喺馅料上边花心思。听讲，今年咖啡界奶茶界都进军月饼市场，奶茶珍珠甚至浓缩咖啡都变成月饼馅。唔中意食甜嘅？仲有十三香小龙虾等紧你。

其实我个人都唔系咁中意甜食，但系月饼，我又中意遵循传统，莲蓉豆沙系首选。咖啡奶茶小龙虾我都中意食，但用嚟整月饼，始终都系不伦不类。对住呢啲唔同花款嘅月饼，睇住觉得新鲜，但系就未必真系会试。

用唔同形式唔同馅料作为推销手法，首开先河嘅系长堤嘅先施公司。当年佢哋最早推出“七星伴月”，可惜单有其貌而味道不佳，食客评价佢连普通月饼都不如，消费者亦都认为佢送礼好过自用，所以问津者少，属于失败嘅推销个案。而陶陶居嘅推销手法就比较风雅——某年搞咗个中秋对联征集活动，以“中秋月”为题，再切合“陶陶居妙制月饼”内容，响应者众，可谓低成本宣传。

除咗推销手法，我都好怀念以前买散装月饼用油纸包饼嘅包装。喺依家嘅角度嚟睇，一张油纸红纸，再用纸绳捆扎，唔单止环保，仲有啲小清新添。◎李月婷 媒体人

新闻推荐

贯通中西 引领审美看中国外销瓷“乘风破浪”

黄静1987年毕业于中山大学历史系。现任广东省博物馆藏品管理与研究部主任、研究馆员。主要从事古陶瓷的研究、鉴定、陈列...