广州与“氹”

白 话广州

新闻讲，最近，新版《新华字典》增补咗一批新词，其中包括咗广州街坊好熟悉嘅一个粤语字：氹。《新华字典》解释时话，“氹”同“凼”，多用于地名，如澳门嘅凼仔。

氹(凼)，粤语读taam5，原意系指水坑，大家从呢个字嘅结构就睇得出。

讲到带氹字嘅地名，澳门嘅氹仔系一个名“氹”，大家当然好熟悉啦，但事实上，广州都有好多“氹”嘎，只不过鲜为人知啫。

喺人民路杨巷路，有一条街叫做扬仁里，街入面有一段叫做淘沙氹，相传，以前呢度有个水氹，好多人喺度淘沙而得名。

喺广州老城区以外，以前都系郊野，坑坑洼洼嘅地方多，自然就有好多地方系以“氹”做名。比如芳村嘅黄大仙祠，佢嘅原址就叫做大氹尾，属于花地村，以前曾经有一间包装材料厂开喺嗰度，后嚟仲做过仓库。海珠区以前叫河南，喺江边同庆路有一条巷叫做低氹巷，听老街坊讲，嗰度以前因为地势低，一落雨就有积水，所以俾人叫做低氹巷。

喺郊区类似嘅“氹”仲有唔少，不过就好少人听过，比如从化嘅大氹村、黄埔嘅大氹村(同名)、增城嘅黄沙氹村、番禺嘅大肚凼街等，都系“藏在深闺无人知”嘅“氹”。

◎阿六 律师

新闻推荐

闲来无事翻教材

蓝皮书：广州居民幸福感，男人比女人高，已婚比未婚高，你感受到了吗？想了解更多，请关注微信公众号“诗意花城生活圈”。这...