广州嘅候鸟

白话广州

呢排，喺广州唔少地方，都有啲手拎“长枪短炮”嘅人，聚精会神咁望住啲树丛、水边。佢哋紧乜嘢呢？原来，佢哋系摄影发烧友，每年呢个时候，随住冷空气到来，候鸟都会从北方返来广州过冬。

新闻话，从9月份开始，广州多处都可以见到候鸟嘅身影。譬如中大校园有蓝歌鸲，火炉山就可以睇到白喉斑秧鸡，大吉沙就有火斑鸠。最墟撼嘅，就系南沙湿地公园，每年都有超过10万只候鸟来呢度安家。其中最出名嘅，就系黑脸琵鹭。除咗南沙，海珠湿地公园亦成咗候鸟嘅屋企，佢哋包括苍鹭、夜鹭、白鹭。佢哋中意湿地，因为呢度唔单只环境宜人，关键系多嘢食，鱼仔、虫仔，可以保证佢哋过一个肥美嘅冬天。

其实，唔单只公园，甚至喺珠江边，加阵亦见到好多白鹭嘅身影。尤其系啲河涌嘅出口，鱼仔虾毛多，经常睇到啲白鹭喺度搵食。食饱之后，展翅喺附近飞翻几下，好似喺街坊面前显下身手咁。

广州生态环境嘅不断改善，对候鸟嘅吸引力越来越大。以前佢哋系“稀客”，慢慢变成咗“熟客”，加阵甚至唔系“客人”，已经成咗“主人”啦。作为街坊，我哋身边有啲咁可爱嘅邻居，确实系一件幸福嘅事。◎闻歌 媒体人

新闻推荐

藤蔓，不是耻辱

◎广东实验中学初二(12)班史心荷◎指导老师李蓓蓓你见过藤蔓吗？这是在茫茫大自然中，弱小可怜的植物求生的唯一希望，它们顺着...