妈祖与南海神

白 话广州

新闻话，妈祖旅游文化节即将喺广州南沙举行。唔经唔觉，呢个节日已经举办咗12届了，主要目的系推广本地嘅海洋文化。喺推广过程中我发现，时不时就会有人混淆“妈祖”同“南海神”呢两个文化符号。就连百度都有一个专门标签提问：“南沙天后宫就是南海神庙么?”

答案梗系“不是”啦。首先从地理来讲，天后宫位于南沙区，南海神庙位于黄埔区，两者相隔五六十公里，揸车都要成粒钟，又点会系一回事呢？其次，南海神同妈祖嘅“辖区”大不一样。前者名副其实就喺南海，后者则披泽深远——你甚至可以喺欧美地区见到佢。

同样系管辖海洋，妈祖嘅影响力点解会咁大呢？除咗因为“南海”两个字限制咗南海神嘅“势力范围”之外，民间传说所赋予嘅“神设”亦系问题关键。相传，南海神系一位严厉急躁嘅男性，代表海洋无情嘅自然伟力。妈祖系一位慈爱包容嘅女性，能够带来更多安全与富足。所以，喺风高浪急嘅海上商贸年代，妈祖文化更容易为水手带来亲切感，因而得以逐渐传播开去，终于遍布全球。而了解呢两个文化符号嘅微妙差异，亦可对广州海洋文化增添更为立体嘅认识。

◎梁倩薇 编辑

新闻推荐

投资诈骗类警情近期高发，警方提醒：理财多留心眼 小心血本无归

南方日报讯（记者/汪棹桴通讯员/柯贞煊张毅涛陈玉敏）利用人们的理财需求，架设虚假投资平台，以“高收益”“利润丰厚”吸引投资...