岭南花卉市场

白 话广州

一家花卉市场搬咗去另一个地方，居然有公交公司专门为佢度身订做一条公交专线(据信息时报报道)，认真巴闭。

呢家花卉市场就系芳村嘅岭南花卉市场喇。

岭南花卉市场有几巴闭？睇下——

历史悠久：喺清朝就有喇，唔系小弟乱吹水嘎。《番禺县志》（1774年版）刻本记有“粤中有四市，花市在广州之南，有花地卖花者数十家……花地观音庙是花卉集散地。”呢个讲嘅就系岭南花市嘅前身喇。

不过，因为历史原因，呢个市场喺上世纪七八十年代曾经中断咗，直到1991年先至喺珠江大桥西侧自然形成。1996年，当地政府喺芳村大道珠江桥段附近(即宜家原址)，正式起咗呢家市场，定名为岭南花卉批发市场。

规模够大：岭南花市占地4万多平方米，每年有1.3亿到1.5亿支鲜切花喺呢度发货全国，系全国乃至亚洲最大、功能最齐全嘅花卉综合市场。

虽然讲，岭南花市主要系做批发，但平时总系好多街坊嚟呢度散买，尤其系一啲退休师奶，几乎系打卡必去之地。

宜家因规划建设，花市搬咗去附近嘅五眼桥村，交通冇以前咁方便，所以公交公司专门开条专线，亦系满足街坊所需，应该点个赞。◎阿六 律师

新闻推荐

租房前称不要新装修房租房 后发现甲醛超标最终在“记者帮”介入下，1900元中介费退还租客

最终在“记者帮”介入下，1900元中介费退还租客