秋天嘅“润”

白 话广州

“呢排天气咁干燥，要润下先得，得闲饮啲蜂蜜水先得。”晨早开车听电台讲天气，个靓女主持人教大家话。近来，冷空气好似接力咁，俾广州带来咗清凉，而且相当干燥，饮食上“润下”，成咗街坊好着紧嘅一件事。

要润，首先就要补充水分。不过，广州人讲嘅“润”，唔系饮水咁简单，呢个字嘅背后，仲有住高深嘅养生内涵。中医讲，肺主秋季，所以呢，秋季要养生就一定要“养肺”，睇来“润”就系要养肺咁解。好多街坊都或多或少懂得呢啲，所以一到秋天，佢哋就周不时整啲糖水，譬如莲子雪耳、银耳百合之类，又或者煲汤时放只雪梨。

“润”嘅其中一种办法，就系食多啲水果蔬菜。呢排，街边唔少新上市嘅生果，水分充足。譬如本地嘅柑桔、碌柚、甜柿，外来嘅梨、苹果、青枣，秋天食落都特别好味。至于蔬菜，光系本地生产嘅就有唔少，著名嘅南沙粉藕、从化嘅芋头、增城嘅迟菜心等等。食在广州，秋天仲系食指大动嘅季节，猪肚煲鸡、萝卜焖牛腩等等，呢啲粤菜据讲都特别啱天干物燥嘅季节。

咁多美食，令到广州人秋天嘅餐桌增色唔少，润唔润肺唔知道，不过胃口好，心情自然就“润”啦。◎闻歌 媒体人

新闻推荐

南沙从化黄埔将新增通用机场布点 至2035年，全省规划新增通用机场布点48个

□本版撰文信息时报记者何小敏据广东省发改委消息，广东省近日制定《广东省通用机场布局规划（2020-2035年）》，规划近期目标年...