滘心睇“水”

白话广州

随住广州地铁8号线延长线嘅开通，滘心，一个原本陌生嘅地名开始出现喺大家眼前。

滘心系指白云区北部石沙路一带，因当地有条滘心村而得名，8号线滘心站就系宜家滘心村物流园里面。

同其他自然村一样，滘心亦有好多人文景观。而小弟认为，当地有两处同水有关嘅古建筑，值得一睇。

首先讲系位于滘心涌上嗰座古水闸。

滘心地势本身就属低洼，雨季容易水浸。为咗防涝防汛，清朝道光年间，当地人就喺滘心涌起咗一座南堤水闸。

呢座有130几年历史嘅水闸，喺历次防汛防涝中都居功至伟，虽然宜家只剩番好小一段，但仲可以发挥“余热”，比如八年前白云湖开挖嗰时，佢仲起咗唔少作用，所以政府决定将佢保留。

另一处系古水闸旁边嘅乡堤基宪示碑。

话说光绪年间，滘心村村民发现附近南海亭冈村有人将田埂锄入堤基基脚，属于侵占堤基，于是报官，官府即下令亭冈村村民将田埂退出。后嚟为咗警示大家保护堤基，就整咗呢块宪示碑。

从呢两处古代水利建筑可以睇出，当年滘心人对水患系有好强烈嘅忧患意识，同时对治水、护土亦系有好鲜明嘅态度。

◎阿六 律师

新闻推荐

白云拆违复绿逾万平方米

山更青，水更绿，环境更美了。过去，白云山脚下的绿地被占、生态被破坏，被一栋栋违建堵住的不仅是民心，还有城市的绿色发展之...