听粤曲学粤语

白话广州

唔啱合尺、撞晒大板、爆棚、爆肚、六国大封相……呢啲词都系大家嘅日常用语。但系你知唔知佢哋有个共同点？就系佢哋都出自粤剧嘎。

可能第一句大家就一头雾水，唔啱合尺，系咩意思呢？其实“合尺”系粤曲嘅基准音，相当于简谱嘅“5”同“2”。唱粤剧唔啱合尺，就系走晒音唱唔落去咁解。喺口语里边，呢个“合尺”会变音变调读成“河车”。如果你听到有人咁讲，就系话佢认为某事某物不合时宜。“撞板”大家成日都用，但系佢来自粤剧中嘅叮板又知唔知呢？粤剧演员唱戏如果不合叮板就叫做“撞板”。据讲之前薛觉先就用过呢句话批评某个同台演出嘅老倌，话佢唱嘅其中一段戏“跌到成台都系板”。

“爆棚”呢个词嘅典故大家就听得多喇，就系话睇戏嘅人太多，将个戏棚都逼到爆晒。同呢个词相关嘅，有“顶栊”——因为戏院人太多，满员之后要关门，必须用木条顶住个门，防止门外嘅戏迷涌入。至于“爆肚”，呢个词香港嗰边嘅娱乐节目用得比较多，系话演员嘅即兴发挥讲出嚟嘅台词。“六国大封相”应用嘅范围就广喇，人多嘈杂场面混乱都可以用到呢个词。

学粤语，听两段粤曲仲好。◎李月婷 媒体人

新闻推荐

打造时尚之都，广州凭什么？

这里有庞大的时尚产业支撑，这里有亮眼的时尚消费，这里集聚了全国四分之三国货美妆品牌……■采写：新快报记...