广州球队名

白 话广州

根据中国足协新规，中超各球队都要改成“中性名”。作为广州中超“孖宝”嘅广州恒大、广州富力亦将会起过队名。

广州球队个名肯定唔少得“广州”呢两个字，因为佢哋系代表呢座城市。所以，两队波起一个乜嘢名，近期成咗广州球迷一个热议话题。

目前有传闻，广州恒大将会直接叫“广州队”，而广州富力就叫“广州城”队。

小弟认为，“广州队”“广州城”虽然够直白，但就系显得“白”咗啲，冇突出地方特色，并且两个名俾人感觉互相包含，你就系我，我就系你，缺少个性。

咁点样个名先至起得好呢？

小弟觉得“上海申花”“山东鲁能泰山”（唔要“鲁能”两字）呢啲中超队名值得参考。佢哋可以咁叫，咁我哋亦可以起番个“广州红棉”“广州花城”“广州五羊”“广州云山”嘛！

如果想有啲“霸气”，仲可以参考CBA广东华南虎，起个类似“广州飞虎”“广州飞鹰”嘅名。

当然，亦可以学下外国球队，叫得潮啲，比如“广州竞技”“广州FC”等。

总之，一个队名亦系只得几个字，可以讲字字千金，所以一定要反复斟酌、推敲，要起得够“广”、起得有个性，或者起得够潮。◎阿六 律师

新闻推荐

首次领“广州城市旅游卡”24小时内可免费搭地铁

信息时报讯（记者成小珍通讯员机场宣）昨日起，外地游客凭本人身份证、当天抵达白云机场登机牌、入住广州酒店的预订信息，可在白...