机场“粤语墙”

白话广州

有一年半冇去过广州白云机场喇，早几日去咗次，喺国内出发厅经过嘅通道，睇到一幅墙，上面有一行大标题写住“一起感受粤语魅力”，旁边写咗几句常用粤语，同埋相关嘅普通话翻译、注释。

设计呢幅“粤语墙”嘅目的，除咗系宣传本土文化外，仲可以为外来人同本地人语言沟通提供帮助，做法认真抵赞！

不过，小弟对墙上其中两句粤语嘅翻译、注释有啲唔同睇法。

比如讲，上面嗰句粤语“乜咁啱嘅”，佢嘅普通话解释写作“真是巧合”。小弟认为，呢句话普通话翻译应该系“怎么这样巧合”。

粤语“乜”系一个疑问词，意思系普通话嘅“是什么”，亦可以系“怎么”，如：乜你都有呀(怎么你也有啊)。而粤语“咁”就系普通话“这样”嘅意思，如：你咁都得(你这样都行)。所以呢个翻译唔准。

粤语“真系啱”先至系普通话嘅“真是巧合”。

墙上另一句粤语“冇得弹”，佢嘅注释中系讲“粤语中表示没有可以批评的地方”，呢个注释系错嘅。

粤语“冇得弹”，系表示“很完美，没有可以挑剔的地方”。“挑剔”同“批评”嘅词义系有好大区别，唔可以等同。

上述仅系小弟一家之言。

◎阿六 律师

新闻推荐

寒冷天气持续

广州日报讯（全媒体记者叶卡斯通讯员晴雨）冷空气今天补充影响广州，有了昨天那样的阳光，白天就不至于太冷。未来三天广州多...