旧时冬至有咩食

白 话广州

21号系冬至。众所周知，广州街坊极为重视呢个节日，甚至有“冬大过年”嘅讲法。但而家，唔少家庭过冬往往好求其：整碗汤圆，再食餐饭，咁就算了，以至有啲人都唔明：冬大过年，究竟有几“大”啊？

其实，旧时广州冬至的确几“大”嘎。例如饮食，就一定要有“鱼生”先至有仪式感。鲜鱼切片，加上萝卜丝之类嘅配料蘸酱来食，寓意生生猛猛，亦系广州嘅传统气质所在。此外，冬至亦系“晒冬粉”嘅日子。大家会喺呢一日磨米粉同糯米粉，准备用来做煎堆油角过年。因为大家认为，喺呢一日磨嘅粉特别耐于储存，可以放好耐都唔会生虫嘎。

除咗食之外，广州细路仲要“开冬”，亦即系举行开学礼。其时，每个细路仔都要用一条布来蒙住个头，搞到神神秘秘咁——只为避开啲“蠢”“钝”或百厌嘅人，未来读书可以有个好开头。

当然，作为重大传统节日，旧时冬至就梗系唔少得祭祖啦。除咗大家熟悉嘅“太公分猪肉”之外，有啲宗族仲会分柑——事关广州盛产呢种水果，而柑又谐音“金”，所以分柑就寓意“分金”啦。

分完猪肉分完柑，冬至已过，白昼渐长，充满希望嘅新年就好快来临啦。

◎梁倩薇 编辑

新闻推荐

“管住嘴”还不够体重管理需要营养、运动、心理多维干预

文/陈泽云“我是一个视频剪辑师，平时的工作就是坐在电脑前做各种剪辑各种渲染。经常要通宵赶工修改，作息不规...