南站快速通道

白话广州

新闻话，寻日海珠湾隧道正式动工，呢条隧道工程又叫做广州南站快速通道北段工程。建成之后，从越秀海珠揸车去南站，只不过15分钟。

睇到呢度，好多揸车嘅朋友应该都好开心。而家从市区揸车去南站，闲闲哋都要四十分钟。从越秀海珠呢两个区出发去南站，一系上洛溪大桥转105国道，又或者绕道芳村行东新高速，都要兜个圈。海珠区离南站最近嘅直线距离得个八九公里，就系冇一条直达嘅路。呢条广州南站快速通道，将弥补呢个不足。

唔少道路建成之后，都会惠及周边嘅区域，好似呢条快速路噉，就送咗嘅大礼包俾番禺区南浦岛嘅居民，因为佢嘅路面节点就系南浦，要往南去南站，仲要建条桥连接大石先可以。而家南浦岛已经有东沙大桥、南浦大桥同埋南浦三桥，呢条快速路上边嘅南浦二桥应该就快到嚟嘅啦。

根据规划，广州南站快速通道会喺4年后完工，佢系南站4条快速连接中心城区嘅直达干道之一。可以想象，以后揸车去南站，真系又快又爽啊！

◎阮栩 编辑

新闻推荐

22号线陈头岗停车场移交运营调试

广州日报讯（全媒体记者苏赞通讯员陈虎辉、段绪江）12月28日，记者从广州地铁了解到，广州在建的“最快地铁”——十八、二十...