高新区发力

白 话广州

新闻话，广州琶洲高新区日前获批。呢个位于琶洲嘅人工智能与数字经济试验区，俾认定为省级高新技术产业开发区。据介绍，呢个高新区，以互联网大数据、人工智能、云计算等新技术产业作为特色。喺短短呢半年，广州就有两个省级高新区成立。

旧年7月，天河高新区成立。呢个系广州时隔32年先至成立嘅第二个高新区（第一个系广州高新区）。同以前唔同，而家两个高新区好注重生态环境嘅发展，同埋产城融合。天河高新区除咗系一个高新产业区，仲会打造宜居嘅环境。环境配套方面，天河高新区佢隔篱有天河湿地公园，仲会建酒店、医院、学校等生活配套设施；而家嘅琶洲高新区，附近都有个海珠湿地公园，佢仲系位于珠江边，琶醍就系隔篱。最巴闭嘅，佢仲会建港澳客运口岸码头，未来可以直通港澳机场。

此外，天河、琶洲呢两个高新区，作为连接粤港澳大湾区嘅节点作用亦都不言而喻。天河高新区就要建设成为广深港澳科技创新走廊嘅核心节点；而琶洲高新区，未来要实现穗港澳1小时生活圈。可以预见，呢啲高新区将会以更高质量、更加创新嘅姿态，带领广州嘅高新技术产业傲立潮头。◎阮栩 编辑

新闻推荐

民房突发大火 消防救出4人

信息时报讯（记者陈子垤通讯员消宣）记者从广州消防部门获悉，1月3日0时24分，指挥中心接到报警，海珠区凤岗脚路53号一住宅着火。...