商场嘅年味

白话广州

“恭喜你呀，恭喜你……”行喺商场超市度，耳边系阵阵墟撼嘅贺年歌声。呢个时候，你就会醒起，新年一日俾一日近啦。

呢排喺广州，唔少商场超市都布置咗年货专区，糖瓜饼仔果冻开心果朱古力，整装嘅散装嘅促销装嘅，要乜有乜。啲街坊围喺周边，推住购物车，挑挑拣拣。最开心嘅，就系细路仔，佢哋放紧寒假，跟住大人来逛超市买嘢，扎扎跳周围串，顺便执几件小零食，过下嘴瘾。呢啲，都系新年前特有嘅年味。置身其中，就好似已经过紧年，周围放紧炮仗烟花咁，心中一种难以抑止嘅兴奋感。

今年系一个特别嘅年，跟往年相比，留喺广州过年嘅人，预计会明显比以往多。唔少商场都提早准备好，招待呢啲留低嘅顾客，亦借机将生意做旺。以天河商圈为例，报纸话，今年春节前天河多间大商场都用心布置，各显神通，譬如新潮嘅多媒体水墨画展、一路大四喜嘅“麻将乐园”等等，听落去都几诱人。

消息话，今年广州嘅商场，商品亦更丰富。有重点商超就话，今年嘅储备量会比往年增加三成以上，而且春节期间正常开档，唔会休市。睇来，今年过年哨街会更加多嘢睇，多嘢买。

◎闻歌 媒体人

新闻推荐

邀请名帅沈祥福担任青训总监 深足年轻化 加强造血功能

深圳晚报讯（记者林炜航）深足1月29日晚宣布：名帅沈祥福担任俱乐部青训总监。这位曾打造国足“超白金一代”的教练将负责深足...