游览大钟楼③

白话广州

喺上一篇文章中，我介绍咗粤海关博物馆入边嗰几个大钟嘅古仔。

呢个博物馆从头到脚都系宝藏，佢嘅所有嘢都保留得好好。从外部建筑，到入边嘅陈设，好似都逃过咗时间嘅洗礼。佢嘅欧陆式建筑就唔使讲啦，因为用咗花岗石，直到而家一啲问题都冇。入边嘅每个室，仲特别噉设计咗腰门（屏门），呢种门有人头咁高，开喺门嘅正中，好似百叶窗噉。佢用嘅系弹簧铰链，前后都可以开合。据讲，呢个弹簧当时系从美国入口，到而家仲可以开合自如。仲有，呢种门都好适合岭南嘅天气，平时关埋，通风透气得嚟仲保护隐私。以前海关上班考勤，考勤人员唔使入屋数人头，系出边乌低身数下有几对脚就得啦。

喺呢个博物馆二楼右边嘅尽头，系原来粤海关税务司嘅办公室，以前嘅30任税务司都系度办公。而家呢个办公室仲系度，仲复原咗以前税务司办公嘅陈设，茶几摆住成套锡茶具、衣架上挂住毡帽、下边插住一把油毡伞、台面铺住几张办公用纸……呢个情景，都好似税务司啱啱有事行开咗噉。呢个办公室有六扇门，可以通往内外走廊、秘书室，佢仲系成栋楼唯一有厕所嘅房间，一睇就知道有几高卡士啦。◎阮栩 编辑

新闻推荐

声乐小明星施宇泽 天赋之外，更多是苦练

参加歌唱比赛，施宇泽陶醉在歌声中。受访者供图来自协和小学的施宇泽，是一名六年级的阳光自信小男生。年纪不大，却已在国...