荔枝湾 游船河

白 话广州

过年嘅时候同小朋友去咗趟永庆坊，一嚟系为咗“打卡”，二嚟系为咗交学校布置嘅寒假非遗作业。

当日系年初四，可想而知永庆坊里边系几咁热闹。我哋几个都系唔太中意人多嘅地方，于是专拣人少嘅窄巷“捐”入去。沿住涌边散步嘅时候，竟然发现呢条河涌仲有“游船”项目。当时以为只不过系喺呢两条涌游下船河，后嚟发现当地有个小型嘅游船码头，喺码头上船，竟然可以去到荔枝湾、梁家祠等等地方。

讲到呢度，不得不提下旧时嘅荔枝湾游船。当年嘅荔枝湾涌仲未封，有唔少嘅艇家就喺多宝路西边做生意，佢哋嘅“项目”，就系搭载市民或者游客过珠江嗰边嘅海角红楼。沿住多宝路入荔枝湾，扒一段时间就可以出到珠江江面。海角红楼系由早年一位西关名流联合几位西关富商一同兴建嘅，呢度唔单止有临江泳池，仲有舞厅、餐馆、溜冰场、海鲜舫等等娱乐设施。嗰个时候，海角红楼呢个名可谓响彻东南亚。我细个嘅时候，呢度仲可以落河游珠江水添。

只可惜，依家去海角红楼，水路已经不通，唯有陆路可达。

◎李月婷 媒体人

新闻推荐

携着百姓心声去 带着部委答复归全国人大代表蔡卫平带着5份答复返粤

羊城晚报讯特派北京记者侯梦菲报道：3月11日，十三届全国人大四次会议胜利闭幕。当晚，广东代表团的代表们从京返粤。...