大坦舞貔貅

白 话广州

最近，信息时报一篇《拆除违建后，大坦村村民生活和美了》嘅报道，将大家嘅注意力拉到咗黄埔区九龙镇嘅大坦村。呢条古老嘅村落，近年一边改造环境，一边拆除违建，而家村容村貌都有咗好大嘅改善，2018年更获得“广州市美丽乡村”称号。

要讲到大坦村嘅威水史，其实远远唔止咁多。呢几年关心广州“非遗”嘅朋友，可能都会记得佢哋嘅“貔貅舞”——逢年过节，一班人舞住好似“猫”咁样嘅貔貅穿街过巷，嬉闹祈福，早已成为一项重要年例。就连南海神庙嘅波罗诞庙会，都曾经邀请佢哋过去表演，令观众大饱眼福。

其实，貔貅舞唔止一个地方会舞，但点解大坦村特别出名呢？呢个就要由清代讲起了。话说，当时社会治安唔多好，度度都要组建“护村队”以求自保，大坦村亦唔例外。1750年，大坦村设立咗武馆“坦兴堂”，开始教授后生练习当地特色“吴宗拳”。同时，因为舞狮舞貔貅分属“武行”，所以坦兴堂亦设立貔貅队、舞狮队，喺宗族中表演联谊，巩固感情纽带。天长日久，呢项文化活动就延续咗落来，成为大坦村嘅一大特色之余，亦成为广州文化嘅一块生招牌啦。

◎梁倩薇 编辑

新闻推荐

黄埔逾百大项目带动千亿投资 103个项目签约和动工计划总投资约1139亿元，达产产值（营收）约2416亿元

疫苗生产基地效果图。百济神州制药生产基地第四工厂效果图。现场举行氢燃料电池泥头车运营发布仪式。参...