卖遮补遮一条街

白话广州

某日行过澳口桥头，发现有一排冇见嘅补遮伯伯出嚟摆档。计咗下日子，雨季就到，每年呢个时候都系补遮嘅“旺季”。

讲起补遮，先讲下咩叫“遮”。“遮”就系我哋平日所讲嘅“雨伞”，“补遮”就系“补雨伞”。呢个行当，后生仔女就唔多明嘎喇：“把遮坏咗咪换过把啰，补乜啫？”你若然当住阿妈面讲，佢一定话你系“大花洒”。因为喺佢哋嘅观念里边，遮同袜一样，都系可以缝缝补补过好多个三年嘅物品。遮唔同袜，使用频率冇咁高，坏得冇咁快，修得就修。所以，桥头嗰位补遮伯伯，一年出现唔会超过两个星期。

虽然呢个行当唔出名，但喺旧阵时嘅广州都系成行成市过嘅，譬如西关嘅故衣街。最开始嘅时候，故衣街嘅商家为嗰啲到西关嘅商人搜集绫罗绸缎同宫廷衣装，因为系旧衫，所以叫做故衣。呢条街最大嘅特点，就系商家识得跟住市场转型，呢样唔得做第二样。故衣做唔落去之后，佢哋就“转行”做咗“卖遮补遮一条街”。

当然喇，依家补遮嘅多数系上咗年纪嘅老人家，故衣街呢一行亦都做唔落去。跟住大家行揾出路，佢已经融入十三行呢个服装批发集散地，开始另一个行当喇。

◎李月婷 媒体人

新闻推荐

2021首届广州问题车展圆满举行，共解决256宗投诉，获车主一致好评 20位车主现身说法，现场解决率达八成

活动现场，车主向主持人反映车辆维权问题。本次活动设置网上直播间，车主可通过电话连线反映问题。□本版撰文信息时报记者罗...