“南沙人”

白话广州

近年，南沙区鹿颈村大力发展乡村振兴战略，整条村都靓咗好多——睇住焕然一新嘅景致，可能好多人未必知道，其实呢度有深厚嘅人文传统：早喺先秦年代，先民就已经开始休养生息啦。

讲起遗址嘅发现，其实都有一段古：话说，遗址本来无人知道。但村民去耕种，时不时就会掘出一啲陶片；后未，当地挖鱼塘、采砂场同施工基坑，又掘出大量陶片，逐渐就变到一地都系。

当时有一个叫于小光嘅番禺人，本身对文物考古好有兴趣。有一日，佢踩住单车经过，无意中发现成地陶片，仔细一睇，就意识到可能系文物，于是立刻上报。

考古队员发掘嘅时候，最轰动嘅事件就莫过于掘出咗一个“人”了——话说当时，一个帮手嘅村姑掘下掘下突然间大叫：“哎呀！人头骨啊！”大家就急忙冲过去睇啦。只见土层中，灰灰哋露出一片额骨，而下面似乎仲有好多嘢未掘出来……不过呢个时候，村民“信邪”就唔肯再郁手了。最后要考古队员亲自清理，先至令呢具3000几年嘅骸骨完整呈现。

如今，呢具“南沙人”嘅复制品仲陈列咗喺广州博物馆供市民参观。如果大家有兴趣，就不妨去感受下南粤先民嘅“长相”啦。◎梁倩薇 编辑

新闻推荐

年桔年花勿乱弃 城管部门鼓励居民择地复种

信息时报讯（记者欧嘉福通讯员成广聚吴镝锋）在番禺区洛浦街丽江花园醉心湖公园内，有一处约1000余平方米的桃花园，最近物业工人...