敬畏斑马线

白话广州

呢排，斑马线礼让成咗唔少街坊热议嘅话题。新闻话，今年以来，广州交警已经查处唔礼让斑马线嘅行为超过2万宗，接落来阿Sir仲会整多啲电子眼，将啲“牛肉干”派俾唔肯礼让行人嘅司机。

家阵，确实有啲司机滚水碌脚咁，到咗斑马线，也会直冲过去，有时行人已经行到路中间，几乎同车擦肩而过，十分牙烟。对于呢啲司机，确实要重罚先啱。亦有网友话，某啲路口行人特别多，如果下下要等，司机唔知几时先过得去。我谂，呢类路口应该装返个红绿灯先得。不过，行人太多唔系车辆唔礼让嘅理由，相反，车辆更应该行慢啲。

我平时都开车，发觉唔少行人反而都好懂得“让”，斑马线前大多会企喺路边，睇定啲车让佢哋，先会迈步行过去。所以我亦会喺未到斑马线嘅地方停低，俾行人过去先再行。其实，让一次行人，最多几十秒，比装红路灯通行嘅效率高得多，对于司机反而更快。

当然，马路嘅秩序，要靠车辆同行人一起守护。行人亦应该遵守规则，只走斑马线，唔随便穿行。依家，广州行人闯灯要罚10蚊，呢点亦引起唔少街坊支持。只有守法与礼让，敬畏斑马线，先会有安全而快捷嘅马路。

◎闻歌 媒体人

新闻推荐

保障女职工生育假用人单位也能受益

市民论坛依据规定，广东省女职工生育符合法律法规和计划生育政策的，除享有98天产假待遇外，另享有80天奖励假。但在广东一家电...