下一堂课：种菜

白 话广州

前几日，越秀区启动咗个“城市小菜园”嘅活动，多间小学种咗二十几种蔬菜，俾啲学生哥体验。

记得我读小学阵时，就喺学校背后嘅山地种过柑橘，老师带住学生去帮啲柑树锄草、施肥。后来，我将呢啲情景讲返俾啲小朋友知，佢哋都会十分好奇。对于城市嘅细路，种菜种树，真系一个陌生又新鲜嘅“科目”。当然，学校有时亦会布置个家庭作业，譬如观察种子发芽，呢啲通常要喺屋企，而且要家长担当主角先搞得掂。

蔬菜我哋每日都食，不过一棵菜系点样种出来，要种几耐，十个学生有九个都唔知。依家，喺校园里边整个小菜园，甚至每个班都认领“一块地”，喺老师嘅带领下，播种施肥淋水除虫，睇住啲芥菜、黄瓜、西兰花，从一粒小种子开始，最后变成餐桌上嘅美餐，相信佢哋唔单只收获到书本学唔到嘅知识，而且仲会有满满嘅成就感。

对于城市嘅细路，佢哋有一样嘢比唔上乡下同龄人，就系对大自然嘅体验。举个例子，读到“夜雨翦春韭”“松下清斋折露葵”，乡下细路对呢啲诗句会更有“感觉”。所以话，多接近自然，接近生活，对学生嘅成长有莫大嘅好处。◎闻歌 媒体人

新闻推荐

一剧一世界 换装换人生

医院主题剧本《弥留》，玩家闭眼投票，指认“凶手”。相互信任的几位玩家相约私聊，讨论线索。一位穿着医生白大褂的玩家在游戏...