日月泉绝对

白话广州

前两日，第九批广州市文物保护单位公布，一共有31个咁多。喺名单入边，就有番禺东环街蔡边一村螺山岗脚嘅日泉、月泉。呢两眼有几百年历史嘅山泉，直到而家一年四季都有水流出，仲好清甜添。据当地村民讲，用佢嚟煮饭，放三日三夜都唔会宿。

而且，佢入边嘅古仔都好丰富。相传，有一年干旱，农作物差唔多旱死晒，呢个时候，八仙之一嘅铁拐李路过，动咗恻隐之心，用佢嘅拐杖喺螺山岗嘅山脚系咁咦敲咗两下，就敲出咗呢两个泉眼。

不过，传说归传说。据村志记载，喺八百年前，呢度就有古人留低咗“日月两泉明白水”嘅上联，自从有咗呢个上联之后，一直未有一个下联可以非常工整咁对出嚟。因为呢个对系一个拆字对嘅嘎，佢好巧妙咁将明字拆成日字同月字，再嵌入日泉月泉呢两个地名，所以佢难就难喺嵌地名再拆字。亦都有好多人跃跃欲试，好似有对“又见五岳观丘山”“寸土飞嵩寺高山”“舌甘一缕甜在心”等等。睇过咁多下联，有一个系相对贴切啲嘅，佢对“采田一偶番禺人”，而横批就系“番禺明泉”。

而家，呢两个泉成咗市级保护文物，市民得闲可以嚟饮下山泉水，继续对下呢个令人叫绝嘅对联。◎阮栩 编辑

新闻推荐

申请贷款变涉嫌骗贷？ 市公安局昨日发布上周电信网络诈骗警情：代办贷款类诈骗高发

上周广州警情高发的10个社区上周全市电信网络诈骗警情高发的10个社区是：白云区高职园区社区、白云区大源村、番禺...