鲁迅纪念馆

白话广州

鲁迅先生同广州有一段不解之缘，呢个最开始喺从文明路嘅钟楼（现鲁迅纪念馆）开始。呢个钟楼，最开始系两广优级师范学堂嗰时建嘅，后嚟变成中山大学嘅校址。1927年1月18日，鲁迅到咗广州，住入咗钟楼，佢被聘为文学系主任兼教务主任，由此开始咗佢喺广州9个月嘅生活。

呢间纪念馆，长年都有“在钟楼上——鲁迅与广东”嘅展览，充分还原咗鲁迅先生当时喺广州嘅生活、教学嘅日子。入边有张地图，直头将佢曾经喺广州去过嘅地方都标晒出嚟，好似艳芳照相馆、陶陶居、北园酒家、白云路嘅白云楼。而当时鲁迅先生嘅教学都系超级受欢迎，佢帮文学系嘅学生开设咗必修课文艺论，仲有中国文学史、中国小说史呢啲科目。因为佢讲课生动，吸引咗好多学生嚟听课，单单文艺论呢科，就有204个学生嚟听课，喺当时成个中大最多人听嘅课。

喺钟楼，鲁迅最初住喺二楼嘅一个房间，两个月后佢先搬出去。唔讲你唔知，鲁迅先生喺广州仲开过一间书店，叫做北新书屋，原址喺芳草街。而家呢个纪念馆嘅一楼，就复制咗呢个书屋，入边有鲁迅嘅著作，仲有好多纪念戳，游览完嚟呢度扱个章，令舍有意义嘎。◎阮栩 编辑

新闻推荐

梅水路一路段将围蔽施工

本报讯（记者郑炜梅）记者获悉，市住建局将对梅城梅水路乐善路口至万象江山三期路段围蔽实施雨污分流改造，4月22日至7月15日，该路...