粤语中嘅“劳动”

白话广州

今日系“五一”假期，同大家讲一啲粤语中同劳动有关嘅词组。

普通话讲嘅上班，广州街坊亦有咁讲，不过传统上系叫返工。因要区别重新做某件事讲嘅返工，所以“返”读第一声，音同翻。

对应返工，下班粤语系叫收工，亦叫落班。广州人传统观念上认为“下”有啲唔吉利，所以多讲成“落”，如下车系叫落车。

粤语“做嘢”系指工作，可以系动词，亦可以系名词，如“小明已经做嘢喇”(小明已经工作了)，系动词用法。

同劳动有关嘅词组中，粤语有几个词系专门指偷懒，好有趣——

“蛇王”，系指匿埋一边偷懒。因为蛇经常系挛起个身缩喺角落头唔郁，形象懒惰；

“未水”，即潜水，就系指一个人上班时间唔见咗人。“未水”系转音字，本字系“没水”，古代写法；

“吞pot”(音近“扑”)，亦系转音读法。以前啲人食鸦片嘅动作叫做“吞泡”，属于一种不良嘅个人享受，所以后嚟用作形容偷懒；

“偷鸡”，事实上同鸡无关，可能系“投机”借音字。

劳动最光荣。放完假，记得按时“返工”，上班时唔好“蛇王”啊。◎阿六 律师

新闻推荐

南沙妈祖文化旅游节开幕 晚上可逛庙会看灯光秀

南沙天后宫热闹非凡。信息时报记者陈引摄信息时报讯（记者崔小远）昨日上午，广州南沙天后宫迎来了2021年第十三届广州南沙...