濑粉之“濑”

白话广州

寻日嘅信息时报《广州原味道》系讲濑粉，标题写到“"濑"出儿时广府味”。

的确，濑粉嘅灵魂就系制作嗰个工序——濑。

濑，古汉语解作从沙石上流过的急水：“石濑兮浅浅”。

濑粉最原始做法，先用一块圆形有细窿嘅铁片缝喺一块白布中间，然后将啲米浆倒喺上面包住，之后用力将米浆从铁片嗰啲细窿度一条条擳出嚟落到个煲度煮，呢个出粉过程粤语叫做“濑”。

因为濑嗰时速度要快，所以就似古汉语讲嘅“急水”。

濑喺其他烹饪方面亦常用，比如，将豉油少量、均匀添加到食物上，就叫濑豉油。

好喇，讲完香喷喷，要讲臭崩崩喇。

无论系大人还系小朋友，有时都会因身体原因，未到厕所就忍唔住将屎排出。普通话将呢种情况叫做憋不住拉出屎来了，而粤语简单多，两个字：濑屎。

咁忍唔住排出尿呢？普通话分得比较细，喺床上叫尿床，喺床外嘅叫尿裤子，而粤语统一为：濑尿。

上面讲到，濑字本身就有“急”嘅含意，濑屎、濑尿就系“三急”嘛，赶得切去厕所就唔使濑啦。

粤语呢个“濑”字，可香可臭，系咪好有趣呢？

◎阿六 律师

新闻推荐

广州新增1例本土确诊病例

据新华社广州5月21日电广州市政府新闻办21日举办新闻发布会，通报广州市荔湾区新增1例本土新冠肺炎确诊病例。根...